Bothor Gadain
-Sadananda Waibra,Maibang
Bothor gadain shophaikha
Mjangshishi hagra gakhranglili !
\Bhongphang shamphangni blai gadain
Khim barba mjangba naihi dongthaothao !
sainbli jakhaning mlasarao khim khaohi,
Shulare jar, jarkhe khim jang baosi
sere mjangdao, sere jaodao, sere shimdao.
Damabuthu khimling ha birdingdu
bere buthobo rjabdu khimbarha bahi khnathaosisi!
Habsao mjangba naihi dongthaoshishi !
Phai lugurao, ani lugurao,
shlaibalai bothor jini baothaikhe shlainang,
Mjangrinang jini baothai gdaing jang.
Habsauha dongmakhade, hamsisi dongmakhade ,
Shlaima nangmakha gajam baothaikhe ,
Labuhi gadain baothaikhe jing,
Mjangrinang rajikhe, jini rajikhe.
Phai him nang baosi mlai jang lamayung ha.
Phai smainang jing bo damalai,berelai
Grao gidikhe, hamba graukhe .
No comments:
Post a Comment
Feel free to comment ! Juthai !!