Miyah saari ni saomih ha ningkhe nuba ang;Jing ansa ha malaolaiba khe,
Longthai-ni-noh ha dugur laiba khe;
Khaja-mini waimu giri,
Phurikho ha thanglaiba khe.
Khrib basaing khajamani basaing,
Nalaibo shilingma ni basaing;
Dini namujalaikha, dakna ning miliphinkha,
Khaha hamya maiya
Gadaing malaothai malaolai bukha.
Hogjer ha samao phaibala,
Waingsho-phinla kha
Ning jing khe garhi thanglabakhe;Waingso-hah lakha
Ani lugu khe.
Baola kha ang, Nao ning dukhu danang,
Habsao khe ning dorga haigerba khe;
Jini ansa ni bubli ning hamdao base,
Jini ansa ni habsao ning majangdao base.
Rang-rih khe hadai laihi,
Namu-khurmu jang
jing doha dao-mih laise dongshiba;
Marshi masi sajamba khe
Jing ansa ha dao gaojibalai
bo kha saajao lai-ya kha.
Ning dambra gahdabani dukhu danang,
Jing khrib bo saingshi de oraha ning thangmase;
Ang khaha baoladu
Nao ! ning-ning angkhe oraha lamjaoma se.
